港姐陳苑澄月頭爆like 月中反遭全城圍插

陳苑澄英語:Tania Chan,1994年10月29日,是一位香港女藝人,曾為香港歌唱組合As One之成員,現為2018年度香港小姐競選參賽者。

陳苑澄曾為香港藝術體操隊成員,她曾於2005年接受報章訪問,表示自己當時參與藝術體操已有四年時間,而自己愛上藝術體操是因為動作優美,表演時十分有美感,而棒操則為的自己的強項。

陳苑澄曾於2011年在《郭富城舞臨盛宴演唱會》中擔任舞蹈員,並於2012年加入女子歌唱組合As One,曾參任副隊長、主領舞、領唱的角色。

於離開As One後,陳苑澄曾離開娛樂圈修讀心理學課程,於2018年參選該年度的香港小姐競選而再次受到關注。
陳苑澄於2018年8月12日在青衣碼頭的士站,在移動中的車輛外跳舞,並將片段上載至社交平台,其舉動曾引起廣泛批評,認為其行為缺乏安全意識、罔顧交通安全。事件曝光後翌日,陳苑澄於出席活動時鞠躬道歉稱:「很對不起大家,知道自己今次做得非常不好,令到很多年輕人有了一個非常壞的榜樣,對不起。」,並一度落淚。

在今屆2018港姐20位佳麗中,以15號陳苑澄(Tania)因為係前組合As One成員人氣最高,IG有近三萬followers,同時佢仲好識推銷自己。陳苑澄曾經係香港藝術體操隊成員,參加過唔少公開表演,月頭就喺網上po 倒奶做成人藝術體操嘅相同片,大晒S身形同事業線,瘋狂吸like!

可惜陳苑澄太過「搏命」,雖然畀佢搏到 C1 頭條,可惜係負面新聞。日前陳苑澄上載一條挑戰《kiki challenge》的落車跳舞熱潮短片。片中騷纖腰露腿的陳苑澄,先對住鏡頭派心心,然後佢開始郁身郁勢,順住洗腦歌《In My Feelings》拍子落車跳,私家車司機開住車門慢駛,期間陳苑澄失驚無神伸手入車廂取彩帶,然後佢又大模廝樣繼續跳,跳完後佢將彩帶掉落地,然後急急腳再跳上車開車走人。

本身佢都係想湊熱鬧兼曬下舞技,點知惹嚟網民一面倒負評,「拍片者危險駕駛,片主就亂丟垃圾」、「害人害物」、「咪阻X住個巴士站啦」、「弱智都選港姐」、「跳得一啲美態都無」、「有無再落車執返垃圾?」、「拍片者危險駕駛,片主就亂丟垃圾」而片段明顯由駕駛位置拍攝,的確係觸犯《道路交通條例》。按《道路交通條例》告危險駕駛,最高可判罰款25,000港元及監禁3年,如果告罪名較輕的不小心駕駛,會扣五分,罰款一千元。

藝人何浩文 (Dominic) 上月底曾在Facebook寫道:「Kiki Challenge 完全唔應該玩  尤其係藝人  唔係潮流就一定要跟  要玩都唔一定要玩危險嘢  以為玩完自己冇事就OK  有冇諗過會唔會影響到啲年輕人  有人發生意外你就變成殺咗佢嘅一份子  #各位藝人用吓腦好嘛 」

陳苑澄到銅鑼灣一間化妝品店進行港姐宣傳活動,不過佢似乎有備而來,一接受訪問即爆喊,期間更多次轉身抹淚,六度講「對唔住」並向鏡頭鞠躬!

佢在訪問中承認自己拍片係輕率:「冇諗過後果,令到觀眾有咁大抨擊,對唔住。我罔顧咗安全,自己係有疏忽,對唔住。」至於有冇畀TVB照肺,佢坦言:「監製何小慧有搵我傾偈,討論點去處理件事,因為始終有影響,畀咗我好多意見,依家係一個好好懺悔嘅階段。」

事件引嚟全城關注,當被問及有冇被勸退選,佢就話:「冇,好對唔住,令大家有咁多抨擊,當時冇諗咁多。」

陳苑澄未有正面回應擔唔擔心負上法律責任,只話:「好對唔住,對年輕人做咗個非常唔好,好壞嘅榜樣,對唔住。」

仲話自己因第一次面對咁嘅情況,所以由噚晚開始諗點回應呢件事,同時表明希望公司及大眾原諒。訪問完結後,Tania再講多次好對唔住。

佢講足足講咗6次對唔住,唔知大家又收唔收貨呢?

【東張西望】陳苑澄爆喊致歉:

 

發表回覆

你的電郵地址並不會被公開。 必要欄位標記為 *

This site uses Akismet to reduce spam. Learn how your comment data is processed.